Posted By Nazia Staff Editor Posted On

Ministry of Interior;നി​യ​മ​ലം​ഘ​ക​ർ​ക്ക് മു​ന്ന​റി​യി​പ്പ്; പൊ​തു​മാ​പ്പ് ഈ ​ദിവസം അ​വ​സാനിക്കും

Ministry of Interior; കു​വൈ​ത്ത് സി​റ്റി: രാ​ജ്യ​ത്ത് താ​മ​സ നി​യ​മ​ലം​ഘ​ക​ർ​ക്ക് ന​ൽ​കി​യ പൊ​തു​മാ​പ്പ് കാ​ലാ​വ​ധി ഈ ​മാ​സം 30ന് ​അ​വ​സാ​നി​ക്കും. പൊ​തു​മാ​പ്പ് അ​വ​സാ​നി​ക്കാ​ന്‍ ദി​വ​സ​ങ്ങ​ൾ മാ​ത്രം ശേ​ഷി​ക്കെ നി​യ​മ​ലം​ഘ​ക​ർ രാ​ജ്യം വി​ടു​ക​യോ പി​ഴ അ​ട​ച്ച് താ​മ​സം നി​യ​മ​വി​ധേ​യ​മാ​ക്കു​യോ ചെ​യ്യ​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം വീ​ണ്ടും ഉ​ണ​ർ​ത്തി. പ്ര​വാ​സി​ക​ളെ ല​ക്ഷ്യ​മി​ട്ട് വ്യ​ത്യ​സ്ത ഭാ​ഷ​ക​ളി​ൽ ആ​ഭ്യ​ന്ത​ര മ​ന്ത്രാ​ല​യം നോ​ട്ടീ​സു​ക​ൾ പു​റ​ത്തി​റ​ക്കി. ആ​നു​കൂ​ല്യം ഉ​പ​യോ​ഗി​ക്കാ​തെ രാ​ജ്യ​ത്ത് തു​ട​രു​ന്ന​വ​ർ​ക്കെ​തി​രെ ക​ടു​ത്ത ന​ട​പ​ടി സ്വീ​ക​രി​ക്കു​മെ​ന്നും മ​ന്ത്രാ​ല​യം മു​ന്ന​റി​യി​പ്പു ന​ൽ​കി.

കുവൈറ്റിലെ വാർത്തകളും വിശേഷങ്ങളും അറിയാന്‍ വാട്സ്ആപ്പ് ലിങ്കില്‍ ക്ലിക്ക് ചെയ്യുക
https://chat.whatsapp.com/GgpU4TtfA5aENkwmkSH3C6

മാ​ർ​ച്ച് 17 മു​ത​ൽ മൂ​ന്ന് മാ​സ​ത്തേ​ക്കാ​ണ് രാ​ജ്യ​ത്ത് പൊ​തു​മാ​പ്പ് പ്ര​ഖ്യാ​പി​ച്ച​ത്. ജൂ​ൺ 17 വ​രെ നി​ശ്ച​യി​ച്ച സ​മ​യ​പ​രി​ധി പി​ന്നീ​ട് 30 വ​രെ നീ​ട്ടു​ക​യാ​യി​രു​ന്നു. ഈ ​മാ​സം അ​വ​സാ​നം വ​രെ താ​മ​സ നി​യ​മ ലം​ഘ​ക​ർ​ക്ക് ശി​ക്ഷ കൂ​ടാ​തെ രാ​ജ്യം വി​ടാ​നും പി​ഴ അ​ട​ച്ച് താ​മ​സ​രേ​ഖ പു​തു​ക്കാ​നും ക​ഴി​യും. ഇ​ത്ത​ര​ക്കാ​ർ പു​തി​യ വി​സ​യി​ൽ രാ​ജ്യ​ത്തേ​ക്ക് മ​ട​ങ്ങി​വ​രാ​നും ക​ഴി​യും.
നി​യ​മ​ലം​ഘ​ക​ർ പൊ​തു​മാ​പ്പ് നി​ശ്ചി​ത കാ​ല​യ​ള​വി​ന​കം പ്ര​യോ​ജ​ന​പ്പെ​ടു​ത്തി രാ​ജ്യം വി​ടു​ക​യോ താ​മ​സം നി​യ​മവി​ധേ​യ​മാ​ക്കു​ക​യോ ചെ​യ്യ​ണം. ജൂ​ൺ 30ന് ​ശേ​ഷം അ​ന​ധി​കൃ​ത​മാ​യി രാ​ജ്യ​ത്ത് തു​ട​രു​ന്ന​വ​ർ​ക്കെ​തി​രെ ശ​ക്ത​മാ​യ ന​ട​പ​ടി​ക​ൾ ആ​രം​ഭി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി​യി​ട്ടു​ണ്ട്. ആ​നു​കൂ​ല്യം ഉ​പ​യോ​ഗി​ക്കാ​ത്ത​വ​ര്‍ക്കെ​തി​രെ ആ​ജീ​വ​നാ​ന്ത വി​ല​ക്കേ​ർ​പ്പെ​ടു​ത്തി നാ​ടു​ക​ട​ത്ത​ല്‍ ഉ​ൾപ്പെ​ടെ​യു​ള്ള ക​ര്‍ശ​ന ന​ട​പ​ടി​ക​ള്‍ സ്വീ​ക​രി​ക്കും. അ​ന​ധി​കൃ​ത​മാ​യി ക​ഴി​യു​ന്ന​വ​ര്‍ക്ക് സ​ഹാ​യ​ങ്ങ​ള്‍ ന​ല്‍കു​ന്ന​വ​ര്‍ക്കെ​തി​രെ​യും നി​യ​മ​ന​ട​പ​ടി​ക​ള്‍ സ്വീ​ക​രി​ക്കും.

ഇ​തി​ന​കം നി​ര​വ​ധി ​പേ​ർ പൊ​തു​മാ​പ്പ് ഉ​പ​യോ​ഗ​പ്പെ​ടു​ത്തി നാ​ട്ടി​ലേ​ക്ക് തി​രി​ക്കു​ക​യും പി​ഴ അ​ട​ച്ച് രേ​ഖ​ക​ൾ നി​യ​മ​പ​ര​മാ​ക്കു​ക​യും ചെ​യ്തി​ട്ടു​ണ്ട്. ഇ​നി​യും ഉ​പ​യോ​ഗ​പ്പെ​ടു​ത്താ​ത്ത​വ​ർ​ക്ക് 30ന​കം ന​ട​പ​ടി​ക​ൾ പൂ​ർ​ത്തി​യാ​ക്കാം. നാ​ട്ടി​ലേ​ക്ക് പോ​കാ​ൻ പാ​സ്​​പോ​ർ​ട്ടോ മ​റ്റ് രേ​ഖ​ക​ളോ ഇ​ല്ലാ​ത്ത​വ​ർ​ക്ക് ഇ​ന്ത്യ​ന്‍ എം​ബ​സി പാ​സ്‌​പോ​ർ​ട്ടും എ​മ​ർ​ജ​ൻ​സി സ​ർ​ട്ടി​ഫി​ക്ക​റ്റും ന​ൽ​കും. ഇ​തി​നാ​യി വെ​ള്ളി​യാ​ഴ്ച ഒ​ഴി​കെ​യു​ള്ള എ​ല്ലാ പ്ര​വൃ​ത്തി ദി​വ​സ​ങ്ങ​ളി​ലും ഉ​ച്ച​ക്ക് ര​ണ്ടു മ​ണി മു​ത​ൽ നാ​ലു മ​ണി വ​രെ ഇ​ന്ത്യ​ൻ എം​ബ​സി​യു​ടെ കേ​ന്ദ്ര​ങ്ങ​ളി​ല്‍ അ​പേ​ക്ഷ ന​ൽ​കാം.

Comments (0)

Leave a Reply

Your email address will not be published. Required fields are marked *