കുവൈറ്റിലെ നിരവധി സ്കൂളുകളിൽ റമദാനിൽ വിദ്യാര്‍ത്ഥികളുടെ ഹാജര്‍ നിരക്കിൽ വലിയ കുറവ്. പ്രത്യേകിച്ച് അവധിക്ക് മുമ്പുള്ള വ്യാഴാഴ്ചകളിൽ വിദ്യാർത്ഥികളുടെ ഹാജരില്ലായ്മയിൽ ശ്രദ്ധേയമായ വർദ്ധനവ് രേഖപ്പെടുത്തിയിട്ടുണ്ട്.
മതപരവും ദേശീയവുമായ അവസരങ്ങളിലും മറ്റ് അവധി ദിവസങ്ങളിലും മന്ത്രാലയം അഭിമുഖീകരിക്കുന്ന ഈ ആവർത്തിച്ചുള്ള പ്രവണത റമദാനിൽ കൂടുതൽ പ്രകടമായിരിക്കുകയാണ്.
വിശുദ്ധ മാസത്തിൻ്റെ ആദ്യ ദിവസങ്ങളിൽ ഹാജരില്ലായ്മയിൽ ഏറ്റക്കുറച്ചിലുകൾ ഉണ്ടായിരുന്നെങ്കിലും, ഇത് വർദ്ധിക്കുകയാണ്. കുടുംബങ്ങളിലെ അച്ചടക്കമില്ലായ്മയാണ് ഇതിൻ്റെ പ്രധാന കാരണമെന്ന് മന്ത്രാലയത്തിലെ മുൻ മനശാസ്ത്ര ഉപദേഷ്ടാവായ ഹുദാ അൽ ഹദ്ദാദ് പറഞ്ഞു.
