കുവൈത്തിലെ നിലവിലെ പ്രമേഹബാധ 20 ശതമാനമാണെന്ന് കുവൈത്ത് ഇൻസ്റ്റിറ്റ്യൂട്ട് ഫോർ സയൻ്റിഫിക് റിസർച്ചിലെ ഗവേഷകനായ ഡോ. അബ്ദുല്ല അൽ കന്ദരി. 1990-കളിൽ ഇത് 7 ശതമാനമായിരുന്നു. 2050 ഓടെ ഏകദേശം 30 ശതമാനത്തിലെത്തുമെന്നും അദ്ദേഹം മുന്നറിയിപ്പ് നൽകി.
ഈ നിരക്ക് നിരന്തരം വർധിച്ചുകൊണ്ടിരിക്കുകയാണെന്നും അദ്ദേഹം വിശദീകരിച്ചു. കുവൈത്തിലെ സ്വിസ് എംബസി കുവൈത്തി-സ്വിസ് ബിസിനസ് പ്ലാറ്റ്‌ഫോമുമായി സഹകരിച്ച് സംഘടിപ്പിച്ച “പ്രമേഹ ഗവേഷണം… ഒരു അന്താരാഷ്ട്ര പങ്കാളിത്തം” എന്ന ശാസ്ത്രീയ സമ്മേളനത്തിൽ സംസാരിക്കുകയായിരുന്നു അദ്ദേഹം. പ്രായമായവരിൽ പ്രമേഹം കൂടുതലായി കാണുന്നതിന് പിന്നിൽ അനാരോഗ്യകരമായ ജീവിതശൈലി, മോശം ഭക്ഷണക്രമം, വ്യായാമമില്ലായ്മ തുടങ്ങി നിരവധി കാരണങ്ങളുണ്ട്. 60 വയസ്സിന് മുകളിലുള്ളവരിൽ പ്രമേഹത്തിൻ്റെ നിരക്ക് വളരെ ഭയാനകമാണെന്നും, ആ പ്രായത്തിലുള്ള മുതിർന്നവരിൽ മൂന്നിൽ രണ്ട് പേർക്കും പ്രമേഹമുണ്ടെന്നും ഇത് ഗുരുതരമായ ആശങ്കയ്ക്ക് കാരണമാണെന്നും അദ്ദേഹം വിശദീകരിച്ചു.വാട്സാപ്പ് ചാനലിൽ അംഗമാകാൻ താഴെ കാണുന്ന ലിങ്ക് ക്ലിക്ക് ചെയ്യുക
മോശം ഭക്ഷണക്രമം, പുകവലി, നിഷ്ക്രിയത്വം അനാരോഗ്യകരമായ ജീവിതശൈലി ഇവയെല്ലാം ഈ വർദ്ധനവിന് കാരണമാണ്. ആരോഗ്യകരമായ ഭക്ഷണക്രമം പതിവ് വ്യായാമം തുടങ്ങിയ ഫലപ്രദമായ പ്രതിരോധ രീതികൾ സ്വീകരിക്കേണ്ടത് അത്യാവശ്യമാണെന്നും അദ്ദേഹം പറഞ്ഞു. 40 അല്ലെങ്കിൽ 45 വയസ്സ് പ്രായമുള്ള ബ്ലഡ് ഷുഗർ പരിശോധിക്കണമെന്നും ഡോ. അബ്ദുല്ല അൽ കന്ദരി അഭ്യർത്ഥിച്ചു.