കുവൈത്തിൽ ഇന്ത്യക്കാരനായ ഡ്രൈവറെ കൊലപ്പെടുത്തിയ ശേഷം മരുഭൂമിൽ ഉപേക്ഷിച്ച കേസിൽ സ്വദേശിയായ സ്പോൺസർക്ക് വധ ശിക്ഷ. കുവൈത്ത് ക്രിമിനൽ കോടതിയാണ് ശിക്ഷ വിധിച്ചത്. ആന്ധ്രപ്രദേശ് വൈഎസ്‌ആർ ജില്ല സൊന്തംവരിപള്ളി ഗദ്ദമീഡപള്ളി വീട്ടിൽ വീരാൻജുലു(38 )വിനെ കൊലപ്പെടുത്തിയ കേസിലാണ് സ്പോൺസർക്ക് വധ ശിക്ഷ വിധിച്ചിരിക്കുന്നത് .
കഴിഞ്ഞ വർഷം ഒക്ടോബറിലാണ് കേസിന് ആസ്പദ മായ സംഭവം നടന്നത്. സഅദ് അബ്ദുള്ള പ്രദേശത്തെ പ്രതിയുടെ വീട്ടിലെ ഡ്രൈവർ ആയിരുന്നു കൊല്ലപ്പെട്ട വീരാൻജുലു. ഇദ്ദേഹത്തിന്റെ ഭാര്യയും അതേ വീട്ടിൽ തന്നെയാണ് ജോലി ചെയ്തിരുന്നത്. ജഹ്റ മരുഭൂമിയിൽ കൊല്ലപ്പെട്ട നിലയിലാണ് വീരാൻജുലുവിന്റെ മൃതദേഹം കണ്ടെത്തിയത്.
തെളിവുകളുടെ അടിസ്‌ഥാനത്തിൽ അടുത്ത ദിവസം തന്നെ പ്രതിയായ സ്പോൺസറെ പൊലീസ് അറസ്റ്റ് ചെയ്യുകയും ചെയ്തിരുന്നു. സംഭവം ആസൂത്രിതമായ കൊലപാതകമാണെന്ന് പൊലീസ് .അന്വേഷണത്തിൽ കണ്ടെത്തിയിരുന്നു.സഅദ് അൽ അബ്‌ദുല്ല കുറ്റാന്വേഷണ വിഭാഗമാണ് കേസ് അന്വഷിച്ചത്.