കൊള്ളാമല്ലോ ഐഡിയ; നിങ്ങൾക്ക് വൈദ്യൂത ജല ബില്ലുകളിൽ 40 ശതമാനം കിഴിവ് നേടാം, ഇതാ ഇങ്ങനെ
വൈദ്യുതി, ജല, പുനഃരുപയോഗ ശ്രോതസുകളുടെ ഉപഭോഗം 20 ശതമാനമോ അതിൽ കുറവോ ഉപയോഗിക്കുന്ന ഉപഭോക്താക്കൾക്ക് അവരുടെ ബില്ലിൽ 40 ശതമാനം കിഴിവ് ലഭിക്കുമെന്ന് ഊർജ്ജ മന്ത്രാലയത്തിലെ ഉപഭോക്തൃ സേവന മേഖലയിലെ ഓട്ടോമേറ്റഡ് സെന്റർ വകുപ്പിന്റെ ഡയറക്ടറും പ്രോത്സാഹന ഗ്രാന്റുകൾക്കായുള്ള സാങ്കേതിക സമിതിയുടെ ചെയർമാനുമായ സൗദ് അൽ-ഹയ്യാൻ.
ജല ഉപഭോഗത്തിൽ 25 ശതമാനത്തിൽ കൂടുതൽ ലാഭിക്കുന്നവർക്ക് 50 ശതമാനം കിഴിവ് ലഭിക്കും.
വൈദ്യുതിയിലും വെള്ളത്തിലും ഉപഭോക്താക്കൾ ലാഭിക്കുകയാണെങ്കിൽ, അവരുടെ ബില്ലിൽ 90 ശതമാനം വരെ കിഴിവ് ലഭിച്ചേക്കാം. ഔദ്യോഗിക അംഗീകാരങ്ങൾ ലഭിച്ചതിന് ശേഷം എല്ലാ വർഷവും ജനുവരിയിലോ ഫെബ്രുവരിയിലോ ആണ് ഈ കിഴിവ് ബാധകമാകുന്നത്.
ഇത് പൗരന്മാരുടെ ബില്ലുകളെ ഗുണപരമായി ബാധിക്കും. ഊർജ്ജത്തിന്റെയും ജല ഉത്പാദനത്തിന്റെയും ചെലവിന്റെ ഒരു പ്രധാന ഭാഗം സംസ്ഥാനം വഹിക്കുന്നുണ്ടെന്നും അദ്ദേഹം വിശദീകരിച്ചു. ഉപഭോക്താക്കൾ ഒരു കിലോവാട്ട്-മണിക്കൂറിന് 2 ഫിൽസ് നൽകുമ്പോൾ, മന്ത്രാലയം 46 ഫിൽസിന്റെ ചെലവ് വഹിക്കുന്നു. 1,000 ഗാലൻ വെള്ളം ഉത്പാദിപ്പിക്കുന്നതിനുള്ള ചെലവ് ഏകദേശം അഞ്ച് കെഡി ആണ്, 2024 ൽ ഇത് എട്ട് കെഡിയായി ഉയരും, അതേസമയം പൗരന്മാർ 800 ഫിൽസ് മാത്രമേ നൽകുന്നുള്ളൂ.
Comments (0)