നിയമലംഘനങ്ങൾ കണ്ടെത്തി ; വാണിജ്യ വ്യവസായ മന്ത്രാലയം 11 കടകൾ അടച്ചുപൂട്ടി
കുവൈറ്റ് സിറ്റി: വാണിജ്യ വ്യവസായ മന്ത്രാലയം കുവൈറ്റിലെ വിവിധ ഗവർണറേറ്റുകളിലുടനീളം അടിയന്തര പരിശോധനാ നടത്തി.
ജഹ്റ ഗവർണറേറ്റിൽ നടത്തിയ പരിശോധനയിൽ ഒന്നിലധികം നിയമലംഘനങ്ങൾ കണ്ടെത്തി, പ്രത്യേകിച്ച് അംഗീകൃത ചട്ടങ്ങൾ ലംഘിച്ച് നിരവധി കടക വ്യാജ വസ്തുക്കൾ വിറ്റഴിച്ചു. നിയമം ലംഘിച്ച 11 കടകൾ അടച്ചുപൂട്ടുകയും നിയമലംഘകർക്കെതിരെ ഉചിതമായ നിയമനടപടികൾ സ്വീകരിക്കുകയും ചെയ്തു.
വാണിജ്യ വഞ്ചനയെ ചെറുക്കുന്നതിന് പരിശോധനാ കാമ്പെയ്‌നുകൾ 24 മണിക്കൂറും പ്രവർത്തിക്കുന്നുണ്ടെന്ന് മന്ത്രാലയം പറഞ്ഞു. നിയമലംഘകർക്കെതിരെ കർശനമായ പ്രതിരോധ നടപടികൾ സ്വീകരിക്കും. സംശയാസ്പദമായ എന്തെങ്കിലും ലംഘനങ്ങൾ ശ്രദ്ധയിൽപ്പെട്ടാൽ ഔദ്യോഗിക ഹോട്ട്ലൈനിലൂടെയോ ആശയവിനിമയ മാർഗങ്ങളിലൂടെയോ അറിയിക്കണമെന്നും മന്ത്രാലയം ഉപഭോക്താക്കളോട് അഭ്യർത്ഥിച്ചു. വിപണി നിയന്ത്രണത്തിനും വാണിജ്യ നീതി ഉറപ്പാക്കുന്നതിനും പൊതുജന സഹകരണം അനിവാര്യമാണെന്നും അധികൃതർ പറഞ്ഞു.
Comments (0)