കുവൈറ്റിൽ ശക്തമായ പൊടികാറ്റ് ; മണിക്കൂറിൽ 50 കിലോമീറ്ററിലധികം വേഗതയിൽ കാറ്റ് വീശും
കുവൈറ്റിൽ നിലവിൽ ചൂടേറിയതും വരണ്ടതും ശക്തമായതുമായ കാറ്റ് അനുഭവപ്പെടുന്നതിനാൽ പൊടിക്കാറ്റിന് കാരണമാകുമെന്നും കാലാവസ്ഥാ നിരീക്ഷണ വകുപ്പ് ഡയറക്ടർ ധരാർ അൽ അലി അറിയിച്ചു. ഞായറാഴ്ച മുതൽ അടുത്ത ബുധനാഴ്ച വരെ ഈ അവസ്ഥ തുടരുമെന്നും അദ്ദേഹം പറഞ്ഞു.
മണിക്കൂറിൽ 50 കിലോമീറ്ററിലധികം വേഗതയിൽ വീശുന്ന ചൂടേറിയതും വരണ്ടതും ശക്തവുമായ കാറ്റാണ് ഇന്ന് രാജ്യത്ത് അനുഭവപ്പെടുന്നത്. ഇത് ചില തുറന്ന പ്രദേശങ്ങളിൽ പൊടിക്കാറ്റിന് കാരണമാകുകയും കാഴ്ചാപരിധി കുറയ്ക്കുകയും ചെയ്യും. രാജ്യത്തെ നിലവിലെ കാലാവസ്ഥാ സാഹചര്യങ്ങൾ ഇന്ത്യൻ മൺസൂൺ ന്യൂനമർദ്ദത്തിന്റെ സ്വാധീനം മൂലമാണെന്നും, ചൂടേറിയതും വരണ്ടതുമായ വായുപ്രവാഹവും വടക്ക്-പടിഞ്ഞാറൻ കാറ്റും ഇതിന് കാരണമാകുന്നുണ്ടെന്നും അദ്ദേഹം വിശദീകരിച്ചു. ചില സമയങ്ങളിൽ ഇത് കടൽ തിരമാലകൾ ആറ് അടിയിൽ കൂടുതൽ ഉയരാൻ ഇടയാക്കുമെന്നും അദ്ദേഹം മുന്നറിയിപ്പ് നൽകി.
Comments (0)