തൊഴിലുടമ നിങ്ങളുടെ എക്സിറ്റ് പെർമിറ്റ് അനുമതി വൈകിപ്പിച്ചാൽ നിങ്ങൾക്ക് എന്ത് ചെയ്യാനാവും ?
കുവൈത്ത് സിറ്റി: സ്വകാര്യ മേഖലയിലെ പ്രവാസി തൊഴിലാളികൾ രാജ്യം വിടുന്നതിന് മുന്‍പ് രജിസ്റ്റർ ചെയ്ത തൊഴിലുടമകളിൽ നിന്ന് എക്സിറ്റ് പെർമിറ്റ് എടുക്കണം. തീരുമാനം നടപ്പിലാക്കിയതിനുശേഷം സ്വകാര്യ മേഖലയിലെ പ്രവാസി തൊഴിലാളികൾക്ക് 100,000-ത്തിലധികം എക്സിറ്റ് പെർമിറ്റുകൾ അനുവദിച്ചിട്ടുണ്ട്. PAM, Ashal പ്ലാറ്റ്‌ഫോം, Sahel ആപ്പ് എന്നിവയുടെ ഓട്ടോമേറ്റഡ് സിസ്റ്റങ്ങൾ വഴിയാണ് എക്സിറ്റ് പെർമിറ്റുകൾ പ്രോസസ് ചെയ്യുന്ന‌ത്.
വരും ദിവസങ്ങളിൽ ഇഷ്യു ചെയ്ത പെർമിറ്റുകളുടെ ആകെ എണ്ണം ഇരട്ടിയാകുമെന്ന് പ്രതീക്ഷിക്കുന്നു.പെർമിറ്റ് നൽകുന്നത് സംബന്ധിച്ച് ലഭിക്കുന്നപരാതികളിൽ ഒന്നാണ് തൊഴിലുടമകൾ വരുത്തുന്ന കാലതാമസം അല്ലെങ്കിൽ നിരസിക്കൽ എന്നിവയുമായി ബന്ധപ്പെട്ടത്. അവ ഉടനടി പരിഹരിക്കുകയും ചെയ്തു. തൊഴിലുടമ അകാരണമായി അംഗീകാരം തടഞ്ഞുവയ്ക്കുകയോ കാലതാമസം വരുത്തുകയോ ചെയ്യുന്ന സന്ദർഭങ്ങളിൽ, നിയമപരമായ നടപടിക്രമങ്ങൾ പ്രകാരം ഔപചാരിക പരാതി നൽകാം. ഇതിനായി തൊഴിലാളികൾ
കമ്പനിയുടെ ഫയലുമായി ബന്ധപ്പെട്ട ലേബർ റിലേഷൻസ് യൂണിറ്റ് സന്ദർശിക്കാൻ നിർദേശിക്കുന്നു. പെർമിറ്റ് നൽകുന്നതിന് തൊഴിലുടമയിൽ നിന്നുള്ള അംഗീകാരം ആവശ്യമാണ്. തൊഴിലുടമ അംഗീകരിച്ചാൽ, ഒരു തൊഴിലാളിക്ക് പ്രതിവർഷം നൽകാവുന്ന എക്സിറ്റ് പെർമിറ്റുകളുടെ എണ്ണത്തിന് പരിധിയില്ല. ഒരു പെർമിറ്റ് ലഭിക്കുന്നതിന് ആവശ്യമായ സമയം പ്രധാനമായും തൊഴിലുടമയുടെ അംഗീകാരത്തിന്റെ വേഗതയെ ആശ്രയിച്ചിരിക്കും. അതിനാൽ, തൊഴിലാളികൾ അവരുടെ യാത്രാ തീയതികൾക്ക് വളരെ മുന്‍പുതന്നെ അവരുടെ അഭ്യർഥനകൾ തൊഴിലുടമകൾക്ക് നൽകണം.
Comments (0)