Kuwait weather alert:കുവൈറ്റ് സിറ്റി, ഉയർന്ന താപനില ആരോഗ്യത്തെ ബാധിക്കുന്നതുമായി ബന്ധപ്പെട്ട് ആരോഗ്യ മന്ത്രാലയം മുന്നറിയിപ്പ് നൽകി. ഉയർന്ന ചൂട് , സൂര്യാഘാതം തുടങ്ങിയവയിൽ നിന്ന് പൊതുജനം ജാഗ്രത പാലിക്കണമെന്നും മുന്നറിയിപ്പ് നൽകി.
വരും ദിവസങ്ങളിൽ താപനിലയിലെ ശ്രദ്ധേയമായ വർദ്ധനവ് ഉണ്ടാകും,ജലവും ലവണങ്ങളുടെയും നഷ്ടം മൂലമുണ്ടാകുന്ന പൊതുവായ ക്ഷീണവും തലകറക്കവും ഈ അവസ്ഥയിൽ കാണപ്പെടാറുണ്ട്. ശരീര താപനിലയിൽ കുത്തനെ വർദ്ധനവ് മൂലമുണ്ടാകുന്ന ഈ ഒരു അവസ്ഥയെ ഹീറ്റ് സ്ട്രോക്കാണെന്നും ഇത് ബോധം നഷ്ടപ്പെടാൻ കാരണമാകുമെന്നും മന്ത്രാലയം പറഞ്ഞു.
ജലാംശം കുറയുമ്പോൾ ഉണ്ടാകുന്ന നിർജ്ജലീകരണം തലവേദന, ക്ഷീണം, എന്നിവയ്ക്കും കാരണമാകുമെന്ന് മന്ത്രാലയം കൂട്ടിച്ചേർത്തു. ചൂടുമൂലം രക്തസമ്മർദ്ദം പെട്ടെന്ന് കുറയാൻ സാധ്യതയുണ്ടെന്ന് മന്ത്രാലയം വ്യക്തമാക്കി, പ്രത്യേകിച്ച് പ്രായമായവരിലും രോഗികളിലും, അതുപോലെ തന്നെ ഇലക്ട്രോലൈറ്റ് ഇൻബലൻസും ഉണ്ടാകാം, ഇത് സോഡിയത്തിന്റെയും പൊട്ടാസ്യത്തിന്റെയും കുറവിന് കാരണമാകുകയും പേശികളുടെയും നാഡികളുടെയും പ്രവർത്തനത്തെ ബാധിക്കുകയും ചെയ്യുന്നു
ദാഹിക്കുന്നില്ലെങ്കിൽ പോലും, ആവശ്യത്തിന് വെള്ളം കുടിക്കാൻ മുതിർന്നവരോട് ആവശ്യപ്പെട്ടു. ഏറ്റവും ഉയർന്ന താപനിലയും ഹീറ്റ് സ്ട്രോക്കിന്റെ സാധ്യതയും കൂടുതലുള്ള രാവിലെ 11:00 മുതൽ വൈകുന്നേരം 4:00 വരെ – സൂര്യപ്രകാശം നേരിട്ട് ഏൽക്കുന്നത് ഒഴിവാക്കാനും ശ്രദ്ധിക്കണം. ഇളം നിറത്തിലുള്ള കോട്ടൺ വസ്ത്രങ്ങൾ ധരിക്കേണ്ടതിന്റെയും കൂടാതെ പുറത്തുപോകുമ്പോൾ തൊപ്പികളോ കുടകളോ ഉപയോഗിക്കേണ്ടതിന്റെയും പ്രാധാന്യം , കാപ്പി, ചായ, ശീതളപാനീയങ്ങൾ പോലുള്ള ഉത്തേജക പാനീയങ്ങളുടെ ഉപയോഗവും ഒഴിവാക്കണം. വൈകുന്നേരം നടക്കുന്നത് ശരീരത്തെ ചൂടുള്ള കാലാവസ്ഥയുമായി ക്രമേണ പൊരുത്തപ്പെടുത്തുന്നതിനുള്ള ആരോഗ്യകരമായ മാർഗമാണെന്നും, അതേസമയം അതിരാവിലെ അല്ലെങ്കിൽ സൂര്യാസ്തമയത്തിനു ശേഷമുള്ള കഠിനമായ വ്യായാമം മാറ്റിവയ്ക്കേണ്ടത് അത്യാവശ്യമാണെന്നും അധികൃതർ പൊതുജനങ്ങളോട് നിർദ്ദേശിച്ചു .